نیویارک: وزیراعظم شہباز شریف نے بنگلادیش کے وزیراعظم طارق رحمان سے ملاقات کی، جس میں پاکستان اور بنگلادیش کے باہمی تعلقات اور مختلف شعبوں میں تعاون کے فروغ پر تبادلہ خیال کیا گیا۔
یہ ملاقات اقوام متحدہ کی جنرل اسمبلی کے 81ویں اجلاس کے موقع پر نیویارک میں ہوئی۔ دونوں رہنماؤں نے دوطرفہ روابط کا جائزہ لیتے ہوئے تجارت، سیاحت سمیت دیگر شعبوں میں تعاون کو مزید وسعت دینیکے عزم کااظہار کیا۔
وزیراعظم شہباز شریف نے جنرل اسمبلی کے اجلاس کی صدارت سنبھالنے پر بنگلادیش کو مبارکباد دی اور دونوں ممالک کے درمیان تعلقات کو مزید مستحکم کرنے کی خواہش کا اظہار کیا۔
بنگلادیشی وزیراعظم طارق رحمان نے بھی پاکستان کے ساتھ تعلقات کو مزید آگے بڑھانے میں دلچسپی کا اظہار کیا۔
ملاقات کے دوران دونوں رہنماؤں نے اقوام متحدہ سمیت کثیرالجہتی عالمی فورمز پر باہمی رابطے اور تعاون جاری رکھنے کی اہمیت پر بھی زور دیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔