کراچی میں پولیس نے مسجد کے باہر نمازی بن کر گاڑیوں کو نشانہ بنانے والے 57 سالہ شخص کو گرفتار کر لیا۔
اینٹی کار لفٹنگ سیل کے مطابق گرفتار ملزم کی شناخت انصاف کے نام سے ہوئی ہے۔ پولیس کا کہنا ہے کہ ملزم مبینہ طور پر طویل عرصے سے گاڑی چوری کی وارداتوں میں ملوث تھا اور اس نے پہلی واردات سال 2000 میں کی تھی۔
حکام کے مطابق ملزم کراچی سے چوری کی گئی گاڑیاں بلوچستان اور کوئٹہ منتقل کرکے وہاں فروخت کرتا تھا۔ پولیس نے بتایا کہ چند روز قبل گلشن اقبال میں ایک مسجد کے باہر بھی ملزم کو گاڑی چوری کرتے ہوئے دیکھا گیا، جس کے بعد کارروائی کرتے ہوئے اسے حراست میں لیا گیا۔
پولیس کے مطابق گرفتار شخص کا تقریباً 23 سال پرانا مجرمانہ ریکارڈ بھی موجود ہے جبکہ وہ 15 سے زائد مقدمات میں مطلوب تھا۔ مزید تفتیش کے ذریعے اس سے دیگر وارداتوں اور ممکنہ ساتھیوں سے متعلق معلومات حاصل کی جا رہی ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔