وزیر مملکت اور پاکستان ورچوئل ایسٹس ریگولیٹری اتھارٹی کے چیئرمین بلال بن ثاقب نے کہا ہے کہ پاکستان تیزی سے بدلتی ہوئی ٹیکنالوجی اور ڈیجیٹل معیشت کے تقاضوں سے ہم آہنگ ہونے کیلئے اقدامات کر رہا ہے۔
ہانگ کانگ میں منعقدہ بٹ کوائن ایشیا کانفرنس سے خطاب کرتے ہوئے بلال بن ثاقب کا کہنا تھا کہ پاکستان نئی مالیاتی ٹیکنالوجیز کو سمجھنے، ان سے فائدہ اٹھانے اور اپنی استعداد بہتر بنانے کی سمت میں آگے بڑھ رہا ہے۔
انہوں نے بتایا کہ پاکستان نے چھ ماہ سے بھی کم مدت میں ورچوئل اثاثہ جات کیلئے ریگولیٹری فریم ورک تیار کرلیا، جس کا مقصد ڈیجیٹل اثاثوں کے شعبے کو ایک منظم اور واضح قانونی ماحول فراہم کرنا ہے۔
چیئرمین پاکستان ورچوئل ایسٹس ریگولیٹری اتھارٹی کے مطابق نئے نظام کی تیاری اور اسے فعال کرنے پر تقریباً دو لاکھ ڈالر لاگت آئی، جبکہ مختص بجٹ کا لگ بھگ 92 فیصد حصہ استعمال نہیں کیا گیا۔
بلال بن ثاقب نے واضح کیا کہ پاکستان کی بٹ کوائن اسٹریٹجک ریزرو سے متعلق حکمت عملی کا مقصد بڑی مقدار میں بٹ کوائن خریدنا نہیں، بلکہ ملک کو مستقبل کے مالیاتی نظام اور ڈیجیٹل معیشت کیلئے تیار کرنا ہے۔
انہوں نے کہا کہ پاکستان عالمی سطح پر ہونے والی مالیاتی اور تکنیکی تبدیلیوں کو مدنظر رکھتے ہوئے اپنی پالیسی اور ریگولیٹری صلاحیتوں کو مزید مضبوط بنانے کیلئے کوشاں ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔