کیا آپ سردی میں بیمار ہونے سے بچنا چاہتے ہیں ؟

ہاٹ لائن نیوز : سردیوں کی آمد کے ساتھ ہی ہر گھر میں نزلہ اور کھانسی بڑھ جاتی ہے اور آپ ڈاکٹروں کے چکر لگانے پر مجبور ہو جاتے ہیں، اگر آپ دوائی لینے سے گریز کرنا چاہتے ہیں تو اس پھل کو اپنی خوراک میں ضرور شامل کریں۔

سردیوں میں نارنجی کھانے سے صحت کے لیے حیرت انگیز فوائد حاصل ہوتے ہیں۔ یہ پھل وٹامن سی اور اینٹی آکسیڈنٹس سے بھرپور ہوتا ہے اور سردیوں میں نارنجی کھانے سے نزلہ، کھانسی اور بخار سمیت کئی بیماریوں سے بچا جا سکتا ہے۔

نارنجی میں موجود وٹامن سی کے دیگر صحت کے فوائد بھی ہیں جو ہڈیوں میں خون کی نالیوں، مسلز، کارٹلیج اور کولیجن کو بنانے میں مدد دیتے ہیں۔یہی نہیں بلکہ یہ سوزش سے لڑنے میں بھی مدد کرتا ہے اور دمہ اور کینسر جیسے حالات کی شدت کو کم کرتا ہے۔

اگرچہ بہت سے خاندان نزلہ زکام ہونے پر کھٹےپھل کھانے سے گریز کرتے ہیں، لیکن وہ نہیں جانتے کہ وٹامن سی ان متعدی بیماریوں میں آپ کے لیے ایک اہم دوا کا کام کرتا ہے۔ آپ کم پیسوں میں پھلوں کے سپر فوڈ ہیلتھ فوائد حاصل کر سکتے ہیں۔

سردیوں میں نارنجی کھانے سے قوت مدافعت مضبوط ہوتی ہے۔ ہیلتھ لائن کی رپورٹ کے مطابق اس میں وٹامن سی، پوٹاشیم، کولین، وٹامن اے، فائبر، فولک ایسڈ ، وٹامن بی سمیت کئی طاقتور اینٹی آکسیڈنٹس پائے جاتے ہیں جو کہ نزلہ، کھانسی اور بخار کے خطرے کو بہت حد تک کم کرتے ہیں۔