پاکستان تحریکِ انصاف (پی ٹی آئی) کے بعض ارکانِ قومی اسمبلی کے درمیان پیش آنے والے تنازع کی وجوہات سامنے آگئی ہیں۔ ذرائع کے مطابق معاملے کی ابتدا قومی اسمبلی کے اجلاس کے دوران ہوئی، جہاں کورم کی نشاندہی پر ارکان کے درمیان تلخ کلامی پیدا ہوگئی۔
اطلاعات کے مطابق رکنِ اسمبلی جنید اکبر اور اقبال آفریدی کے درمیان اختلافات اس وقت شدت اختیار کر گئے جب اجلاس کے دوران کورم سے متعلق معاملہ اٹھایا گیا۔ اس دوران صبغت اللہ نے دونوں رہنماؤں کے درمیان کشیدگی کم کرنے اور صورتحال کو قابو میں رکھنے کی کوشش کی۔
ذرائع کا کہنا ہے کہ بعد ازاں اڈیالہ جیل کے باہر بھی متعلقہ ارکان کے درمیان تناؤ دیکھنے میں آیا، جہاں تلخ جملوں کے تبادلے اور جھگڑے کی اطلاعات سامنے آئیں۔
دوسری جانب چیئرمین پی ٹی آئی بیرسٹر گوہر کی زیرِ صدارت ہونے والے پارلیمانی پارٹی کے اجلاس میں بھی اس معاملے پر گفتگو کی گئی۔ ذرائع کے مطابق اجلاس میں ارکان کے درمیان اختلافات ختم کرنے اور اندرونی معاملات کو افہام و تفہیم سے حل کرنے کے مختلف پہلوؤں پر مشاورت جاری ہے۔
پارٹی ذرائع کا کہنا ہے کہ قیادت کی کوشش ہے کہ ارکان کے درمیان پیدا ہونے والی غلط فہمیوں کو دور کرکے اتحاد اور نظم و ضبط کو برقرار رکھا جائے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔