ہاٹ لائن نیوز : لاہور میں پاکستان تحریک انصاف کے دفتر میں آگ لگنے سے ایک شخص زخمی ہوگیا۔
آتشزدگی کا واقعہ جیل روڈ پر پی ٹی آئی کے دفتر میں پیش آیا۔ زخمی شخص کو پہلے سروسز اور پھر طبی امداد کے لیے جناح اسپتال منتقل کیا گیا۔
آگ لگنے سے دفتر کی کرسیاں، میز، فلکس، ایل ای ڈی اور تمام سامان جل گیا۔ آگ بجھانے میں 7 سے زائد فائر ٹینڈرز نے حصہ لیا۔
اس حوالے سے پولیس ذرائع کا کہنا ہے کہ دفتر کو تالہ لگا ہوا تھا، نشے کے عادی افراد سامان چوری کرنے دفتر میں داخل ہوئے، اس دوران سگریٹ کے شعلے سے آگ بھڑکنے کا خدشہ ہے۔
پولیس کے مطابق واقعے میں جھلس کر زخمی ہونے والے یوسف مسیح کا بیان اس کی حالت سنبھلتے ہی لیا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
