اسلام آباد: پاکستان انٹرنیشنل ایئرلائنز (پی آئی اے) کی نجکاری کا عمل مکمل ہو گیا ہے، جس کے تحت 180 ارب روپے کے معاہدے کے بعد ادارے کی ملکیت نئی انتظامیہ کو منتقل کر دی گئی ہے۔ اس پیش رفت کے بعد پی آئی اے ایکویٹی لمیٹڈ نے ایئرلائن کا انتظامی کنٹرول باضابطہ طور پر سنبھال لیا ہے۔
نجکاری کے عمل کی تکمیل کے ساتھ ہی نئی انتظامیہ نے فوری طور پر بورڈ آف ڈائریکٹرز تشکیل دے دیا ہے۔ نئے بورڈ میں جنرل انور علی حیدر، جہانگیر پراچہ، گوہر اعجاز، عارف حبیب، فضل شیخ، عقیل کریم ڈھیڈی اور فرزانہ فیروز شامل ہیں۔
بورڈ کے پہلے اجلاس میں جنرل انور علی حیدر کو متفقہ طور پر چیئرمین بورڈ آف ڈائریکٹرز منتخب کیا گیا۔
اس موقع پر سابق وفاقی وزیر گوہر اعجاز نے پی آئی اے کی نجکاری کی تکمیل کو ایک اہم پیش رفت قرار دیتے ہوئے کہا کہ یہ گزشتہ دو دہائیوں میں ہونے والی سب سے بڑی نجکاری ہے۔
دوسری جانب پی آئی اے ایکویٹی لمیٹڈ کے چیئرمین کے مطابق نئی انتظامیہ کا مقصد ایئرلائن کو جدید خطوط پر استوار کرنا اور اسے عالمی معیار کی فضائی کمپنی بنانا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔