مصباح ارشد کو مس یونیورس پاکستان 2026 کے اعزاز کے لیے منتخب کرلیا گیا ہے۔ وہ رواں سال نومبر میں پورٹو ریکو کے شہر سان خوان میں ہونے والے مس یونیورس کے عالمی مقابلے میں پاکستان کی نمائندگی کرینگی۔
مصباح ارشد کی تاج پوشی کی تقریب فلپائن کے دارالحکومت منیلا کے روزال پارک ہوٹل میں منعقد ہوئی، جہاں انہوں نے 10 فائنلسٹس کے درمیان کامیابی حاصل کی۔
مصباح کا تعلق پاکستان سے ہے اور وہ اسلام آباد میں بھی مقیم رہ چکی ہیں۔ اس وقت وہ جرمنی کے شہر میونخ میں رہائش پذیر ہیں اور یونیورسٹی آف ہیگن سے نفسیات کی تعلیم حاصل کر رہی ہیں۔
2000 میں پیدا ہونے والی مصباح ارشد نے 2023 میں بیوٹی پیجینٹس میں اپنی شناخت بنائی۔ وہ مس پاکستان ورلڈ 2023 اور مس اورا پاکستان 2023 کے اعزازات بھی اپنے نام کرچکی ہیں۔
اب مصباح ارشد عالمی سطح پر پاکستان کی نمائندگی کرتے ہوئے مس یونیورس 2026 کے مقابلے میں حصہ لیں گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔