لحاف کو گھر پر قدرتی طریقے سے صاف کرنے کے آسان طریقے
لحاف اور کمبل مسلسل استعمال کے باعث پسینہ، گردوغبار اور جسم کی قدرتی چکنائی جذب کر لیتے ہیں، جس سے ان میں ناگوار بو پیدا ہونے لگتی ہے۔ تاہم، چند آسان گھریلو طریقوں اور احتیاطی تدابیر کے ذریعے لحاف کو صاف اور تازہ رکھا جا سکتا ہے۔
لحاف صاف کرنے سے پہلے اس پر موجود ہدایات کا لیبل ضرور دیکھیں، کیونکہ ہر قسم کے کپڑے اور اندر بھرے مواد کو دھونے کا طریقہ مختلف ہوتا ہے۔ پالئیسٹر اور مائیکرو فائبر کے لحاف عموماً مشین میں دھوئے جا سکتے ہیں، جبکہ ریشم اور اون کے لیے خصوصی صفائی درکار ہو سکتی ہے۔
عام داغ صاف کرنے کے لیے بیکنگ سوڈے میں تھوڑا پانی ملا کر پیسٹ بنائیں اور اسے داغ پر لگانے کے بعد تقریباً 30 منٹ میں صاف کر دیں۔ چکنائی کے داغ پر ہلکا برتن دھونے والا صابن بھی استعمال کیا جا سکتا ہے۔
لحاف کی بدبو دور کرنے کے لیے دھلائی کے دوران بیکنگ سوڈا اور کلی کے وقت سفید سرکہ استعمال کیا جا سکتا ہے، تاہم انہیں کبھی بلیچ کے ساتھ نہ ملائیں۔
ماہرین کے مطابق لحاف کو دھونے کے بعد مکمل خشک کرنا ضروری ہے۔ اسے دھوپ اور کھلی ہوا میں رکھیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔