ہاٹ لائن نیوز : عورتوں کے عالمی دن کے حوالے سے پنجاب اسمبلی میں قرارداد جمع کروادی گئی ۔
قرارداد پاکستان مسلم لیگ ن کی رکن پنجاب اسمبلی کنول لیاقت ایڈووکیٹ نےجمع کروائی ۔
قرارداد میں پہلی خاتون وزیر اعلی پنجاب کی طرف سے اپنی پہلی تقریر میں خواتین کی فلاح و بہبود کے لئے کیے جانے والے اعلانات کو سراہا گیاہے۔
پنجاب کے ایوان کی طرف سے مطالبہ کیا گیاہے کہ معاشرتی ترقی میں رسمی و غیر رسمی شعبوں میں کام کرنیوالی خواتین کیلئے کام کرنے کی جگہوں کو محفوظ بنایا جائے۔
مطالبہ کیا گیا ھے کہ بچیوں کی کم عمر شادی ، صنفی امتیاز،جنسی ہراسگی ، جہیز کی لعنت ، حق تعلیم ، حق وراثت سے محروم رکھنے جیسے معاشرتی برائیوں کو ختم کیا جائے۔
پنجاب کا یہ ایوان یقین رکھتاہے کہ پنجاب میں خاتون وزیر اعلی کی موجودگی سے پنجاب کی خواتین سیاسی ،سماجی ،معاشی و قانونی خودمختاری کیساتھ فیصلہ سازی اور مقامی حکومتوں میں عورتوں کی 33 فیصد نمائندگی کو یقینی بنایا جائے گا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
