صاحبزادہ فرحان نے ابھیشیک شرما کا ریکارڈتوڑدیا

راولپنڈی: پاکستان کے ٹی ٹوئنٹی کپتان صاحبزادہ فرحان نے سری لنکا کے خلاف تین میچوں کی سیریز میں شاندار کارکردگی دکھاتے ہوئے بھارتی بیٹر ابھیشیک شرما کا ریکارڈ توڑ دیا۔

صاحبزادہ فرحان نے سیریز کے تینوں میچوں میں نصف سنچریاں اسکور کیں اور مجموعی طور پر 238 رنز بنائے۔ ان کی اوسط 79.33 اور اسٹرائیک ریٹ 165.27 رہا۔ اس عمدہ کارکردگی پر انہیں سیریز کا بہترین کھلاڑی قرار دیا گیا۔

اس سے قبل ابھیشیک شرما نے رواں سال افغانستان کے خلاف تین میچوں کی ہوم سیریز میں 229 رنز بنا کر یہ اعزاز حاصل کیا تھا، تاہم پاکستانی کپتان نے 238 رنز بنا کر نیا ریکارڈ قائم کردیا۔

فرحان نے پہلے میچ میں 53 گیندوں پر 89 رنز بنائے، جبکہ دوسرے میچ میں 44 گیندوں پر 73 رنز کی اننگز کھیلی۔ ان کی بیٹنگ نے پاکستان کو سیریز میں فیصلہ کن برتری دلانے میں اہم کردار ادا کیا۔

تیسرے میچ میں بھی پاکستانی کپتان نے عمدہ فارم برقرار رکھی اور 47 گیندوں پر 76 رنز اسکور کیے۔ تاہم سری لنکا نے ہدف حاصل کرکے آخری میچ جیت لیا۔

پاکستان نے سیریز 2-1 سے اپنے نام کی، جبکہ صاحبزادہ فرحان ریکارڈ ساز کارکردگی کے باعث نمایاں رہے۔