ہاٹ لائن نیوز: چارسدہ روڈ پر ظلم کی انتہا ہوگئی، دولہا سڑک پر گولی لگنے سے جاں بحق جب کہ کار میں موجود دلہن معجزانہ طور پر بچ گئی۔
ابتدائی تفصیلات کیمطابق پشاور کےتھانہ فقیرآباد کی حدود میں چارسدہ روڈپر فائرنگ کاافسوسناک واقعہ پیش آیا جس میں 22 سالہ دولہا عدنان عمرزادہ گولی لگنے کی وجہ سے زخمی ہوگیا اور ہسپتال لےجاتےہوئے راستے میں ہی دم توڑگیا۔
یہ المناک واقعہ دلہن کی رخصتی کے بعد ہوا، جب دولہا اپنی دلہن کو گھر لے جا رہا تھا کہ اچانک دولہے پر فائرنگ کی گئی جب کہ کار میں موجود دلہن معجزانہ طور پر بچ گئی۔
دولہے کو خون میں لت پت نئے عروسی کپڑوں میں دیکھ کر ہسپتال کا عملہ حیران رہ گیا، واقعہ کی اطلاع ملتے ہی اے ایس پی فقیر آباد سید طلال احمد شاہ فوری طور پر موقع پر پہنچ گئے۔
اے ایس پی سید طلال احمد شاہ نے جائے وقوعہ کا تفصیلی معائنہ کرتے ہوئے جائے وقوعہ پر شواہد اکٹھے کرنے کی نگرانی کی۔
پولیس کا کہنا ہے کہ مقتول کے لواحقین کی رپورٹ پر باضابطہ مقدمہ درج کیا جائے گا جب کہ واقعے میں ملوث ملزمان کا سراغ لگانے کے لیے مختلف پہلوؤں پر جامع تفتیش شروع کردی گئی ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
