سونا اور چاندی مزید سستے، قیمتوں میں نمایاں کمی

پاکستان میں سونے اور چاندی کی قیمتوں میں مسلسل کمی کا رجحان برقرار ہے، جس کے باعث صرافہ مارکیٹ میں قیمتی دھاتوں کی قیمتیں مزید نیچے آ گئی ہیں۔
مقامی مارکیٹ میں فی تولہ سونے کی قیمت میں 2900 روپے کی کمی ریکارڈ کی گئی، جس کے بعد نئی قیمت 4 لاکھ 90 ہزار 862 روپے ہو گئی ہے۔ اسی طرح 10 گرام سونا 2486 روپے سستا ہو کر 4 لاکھ 20 ہزار 835 روپے پر آ گیا ہے۔
عالمی مارکیٹ میں بھی سونے کی قیمتوں میں کمی کا سلسلہ جاری ہے، جہاں فی اونس سونا 29 ڈالر کمی کے بعد 4685 ڈالر کی سطح پر پہنچ گیا ہے۔ عالمی رجحان کے اثرات پاکستان سمیت مختلف ممالک کی مارکیٹوں پر بھی پڑ رہے ہیں۔
چاندی کی قیمتوں میں بھی کمی دیکھنے میں آئی ہے۔ فی تولہ چاندی 142 روپے کمی کے بعد 7 ہزار 957 روپے جبکہ 10 گرام چاندی 122 روپے کمی کے بعد 6 ہزار 821 روپے میں فروخت ہو رہی ہے۔
ماہرین کے مطابق عالمی مارکیٹ میں اتار چڑھاؤ کے باعث مقامی سطح پر سونے اور چاندی کی قیمتیں متاثر ہو رہی ہیں اور آئندہ دنوں میں بھی صورتحال میں تبدیلی کا امکان موجود ہے۔