ہاٹ لائن نیوز : لاہور ہائیکورٹ میں خواتین کے بنیادی حقوق کے تحفظ کیلئے دائر درخواست پر سماعت ہوئی ۔
عدالت نے درخواست گزار کو درخواست کو ترمیم کرنے کی ہدایت کر دی۔
عدالت نے حکم دیا ہے کہ تعزیرات پاکستان کی بعض شقوں کو بھی شامل کریں ۔
ایڈیشنل اٹارنی جنرل نصر احمد نے استدعا کی کہ عدالت درخواست پر نوٹس جاری کر دے، یہ اچھا ایشو ہے معاملے کی وضاحت ضروری ہے۔
جسٹس ساجد محمود سیٹھی نے آسیہ اسماعیل ایڈووکیٹ کی درخواست پر سماعت کی۔
درخواست میں صدرمملکت، وزارت صحت اور قانون کوفریق بنایا گیا ۔
درخواست میں موقف اختیار کیا گیا ہے کہ جنسی زیادتی کی شکار خواتین کے حاملہ ہونے پر ان کے تحفظ کیلئے کوئی قانون سازی موجود نہیں ہے، اسقاط حمل کا قانون ایسے کیسز میں متاثرہ خواتین کے حقوق کا تحفظ نہیں کرتا،اینٹی ابورشن قانون محض ذہنی بیمار خواتین کو تحفظ فراہم کرتا ہے، امریکہ، برطانیہ، انڈیا سمیت دیگر ممالک میں پرو چوائس اپنے اپنے سماجی ماحول کے مطابق بنائے گئے ہیں، پاکستان میں آئین بھی پروچوائس کے معاملے پر خاموش ہے ، ملکی آبادی کا 55 فیصد حصہ خواتین بنیادی حق سے محروم ہے۔
درخواست میں استدعا کی گئی ہے کہ خواتین کو پرو چوائس کا بنیادی حق دیا جائے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔