اسلام آباد: پاکستان کے ٹیسٹ کپتان بابر اعظم نے طویل وقفے کے بعد ڈومیسٹک کرکٹ میں واپسی کا فیصلہ کرلیا ہے۔
ذرائع کے مطابق بابر اعظم پریذیڈنٹ ٹرافی گریڈ ون میں او جی ڈی سی ایل کی ٹیم کی نمائندگی کریں گے۔ ذرائع کا کہنا ہے کہ او جی ڈی سی ایل نے انہیں بطور مہمان کھلاڑی اسکواڈ میں شامل کیا ہے۔
بابر اعظم نے آخری مرتبہ 2019 میں ڈومیسٹک کرکٹ میں حصہ لیا تھا، جس کے بعد وہ قومی ٹیم کی بین الاقوامی مصروفیات کے باعث زیادہ تر انٹرنیشنل کرکٹ میں مصروف رہے۔
ذرائع کے مطابق ڈومیسٹک کرکٹ میں واپسی کا بنیادی مقصد بابر اعظم کو ریڈ بال کرکٹ میں زیادہ وقت فراہم کرنا اور ٹیسٹ فارمیٹ میں اپنی فارم بہتر بنانے کا موقع دینا ہے۔
بابر اعظم نے ٹیسٹ کرکٹ میں اپنی آخری سنچری 2022 میں اسکور کی تھی، جبکہ گزشتہ کچھ عرصے سے وہ بڑی اننگز کھیلنے کی کوششوں میں مصروف ہیں۔ پریذیڈنٹ ٹرافی میں شرکت انہیں ٹیسٹ کرکٹ کے لیے بہتر تیاری کا موقع فراہم کرسکتی ہے۔
بابر اعظم کی شمولیت سے او جی ڈی سی ایل کی ٹیم کو بھی مضبوطی ملنے کی توقع ہے، جبکہ شائقین طویل عرصے بعد قومی ٹیم کے اسٹار بیٹر کو مقامی فرسٹ کلاس کرکٹ میں ایکشن میں دیکھ سکیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔