ہاٹ لائن نیوز : امریکی سفیر سے چیف الیکشن کمشنر اور آئی جی پنجاب کی ملاقات کے خلاف دائر بطور اعتراض درخواست پر سماعت ہوئی ۔
عدالت نے رجسٹرار آفس کا اعتراض بحال رکھا
عدالت کا کہناہے کہ صدر اور وزیراعظم کو ڈائریکٹ فریق نہیں بنا سکتے ، عدالت نے آفس اعتراض بحال رکھتے ہوئے درخواست مسترد کردی ۔
جسٹس شجاعت علی خان نے ازبا کامران کی درخواست پر سماعت کی ، وفاقی حکومت کی جانب سے جاوید قصوری ایڈووکیٹ پیش ہوئے ۔
درخواست میں موقف اختیار کیا گیا تھا کہ آئی جی پنجاب اور چیف الیکشن کمشنر نے امریکی سفیر سے ملاقات کی ، دونوں افسران کی امریکی سفیر سے ملاقات الیکشن کے نتائج پر اثرانداز ہوگی ، دونوں افسران کے خلاف صدر پاکستان اور وزیراعظم کو درخواست دی ، صدر پاکستان اور وزیراعظم نے درخواست پر فیصلہ نہیں کیا ۔
درخواست میں استدعا کی گئی تھی کہ عدالت صدر پاکستان اور وزیراعظم کو زیر التوا درخواست پر فیصلہ کرنے کا حکم دے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
