ہاٹ لائن نیوز : نو مئی کو تھانہ شادمان کو نذر آتش کرنے کے مقدمہ میں پی ٹی آئی سوشل میڈیا ایکٹوسٹ صنم جاوید کی تھانہ شادمان نذر آتش کیس میں درخواست ضمانت پر سماعت ہوئی۔
عدالت میں آج صنم جاوید کے وکیل کی جانب سے دلائل مکمل کرلیےگئے۔
عدالت نے پراسکیوشن کو دلائل کے لیے 12 فروری کو طلب کر لیا ،انسداد دہشتگردی عدالت کے جج محمد نوید اقبال نے سماعت کی ۔
پراسیکیوٹر کا کہنا ہے کہ صنم جاوید نو مئی کو ریاست مخالف سازش کا حصہ ہے ، ملزمہ نے پی ٹی آئی قیادت کے ساتھ مل کر جلاؤ گھیراؤ کرایا ، صنم جاوید کے وکلاء شکیل پاشا ایڈووکیٹ نے دلائل مکمل کر لیے ۔
شکیل پاشا ایڈووکیٹ نے کہا کہ 9 مئی کا مطلب یہ نہیں ایک ملزم کو ٫10٫10 مقدمات میں ڈال دیا جائے ، صنم جاوید کو ہر ضمانت کے بعد دوسرے کیس میں گرفتار کر لیا جاتا ہے ، ضمانت ہونے تک کیس کی تفصیلات فراہم نہیں کی جاتیں، جس مقدمہ میں اب گرفتار کیا اس میں کوئی کردار نہیں ہے، دو مرتبہ نظر بند بھی کیا گیا،عدالتی فیصلوں کے مطابق بھی خاتون کو ضمانت جلد ملنی چاہیے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
