ادھار سامان کی رقم مانگنے پر دکاندار قتل

کراچی میں شاہراہ نور جہاں پر ہرن کالونی کی حدود میں 60 سالہ غلام محمد کے قتل کا معمہ حل ہوگیا۔ پولیس کیمطابق قتل میں ملوث ملزم عثمان کو گرفتار کر لیا گیا۔

پولیس کیمطابق دوران تفتیش ملزم نےانکشاف کیاہےکہ وہ مقتول کی دکان سے رقم ادھار لیتا تھا۔ ایک دن جب غلام محمد نے مزید قرض دینےسے انکار کر دیا توتلخ کلامی ہونےپرملزم نے مشتعل ہو کر غلام محمد کو گولی مار کر قتل کر دیا اور فرار ہو گیا۔

پولیس کا کہنا ہے کہ قتل کی واردات 25 اپریل کو نارتھ ناظم بلاک یو میں ہوئی، ملزم کے قبضے سے 30 بور کا پستول بھی برآمد ہوا ہے۔ ملزم کو تفتیشی حکام کےحوالے کر دیا گیا ہے۔