کینیڈامیں ایک اورسکھ رہنماقتل
ٹورنٹو: (ہاٹ لائن نیوز) بھارت سے علیحدگی کی حامی سکھ خالصتان تحریک کے ایک اور رہنما کوکینیڈا میں قتل کردیا گیا ہے ۔
میڈیا رپورٹس کے مطابق کینیڈا کے شہر ونی پیگ میں سکھ راہنما دول سنگھ کو نامعلوم افراد نے فائرنگ کرکے قتل کر دیا ہے۔ سکھ دول سنگھ خالصتان تحریک کے ایک اور سکھ رہنما ارشدیپ سنگھ کے قریبی ساتھی تھے ۔ دول سنگھ 2017 ء میں بھارت سے کینیڈا منتقل ہو گئے تھے۔
بھارتی میڈیا رپورٹس کے مطابق سکھ دول سنگھ بھارت کو مطلوب خالصتان تحریک کے رہنماؤں کی فہرست میں شامل تھا اور بھارت کی پنجاب پولیس کی مدد سے کینیڈا فرار ہو گیا تھا۔
واضح رہے کہ کینیڈا میں خالصتان تحریک کے سرگرم راہنما اور کینیڈین شہری ہردیپ سنگھ کے قتل کے بعد سے بھارت اور کینیڈا کے تعلقات کشیدہ ہیں ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
