ہاٹ لائن نیوز : ڈی ایس ریلوے یوسف لغاری کا کہنا ہے کہ کوئٹہ سے کراچی تک معطل ٹرین سروس ایک سال چار ماہ بعد بحال کردی گئی ہے۔
کوئٹہ میں میڈیا سے گفتگو کرتے ہوئے ڈی ایس ریلوے یوسف لغاری نے کہا کہ آج خوشی کا دن ہے، ایک سال چار ماہ بعد بولان میل دوبارہ بحال ہوئی۔
ڈی ایس ریلوے نے کہا کہ بگٹی ایکسپریس بھی جلد بحال کر دی جائے گی۔
انہوں نے کہا کہ بولان میل کا اکانومی کلاس کا کرایہ 2200 روپے ہے جو کہ نارمل ریٹ ہے۔ بولان میل کوئٹہ سے 9 بوگیاں اور سبی سے مزید 3 بوگیاں شامل کرے گی۔
ڈی ایس ریلوے یوسف لغاری نے بتایا کہ آج 700 مسافر بولان میل کے ذریعے کوئٹہ سے کراچی کے لیے روانہ ہوئے ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
