سیاست میں بڑی ہلچل اور اُکھاڑ پچھاڑ

راولپنڈی: ( ہاٹ لائن نیوز ) عوامی مسلم لیگ کے سربراہ شیخ رشید احمد کا کہنا ہے کہ الیکشن کی تاریخ کے لیے صدر مملکت ڈاکٹر عارف علوی نے میرے یوم پیدائش کا انتخاب کیا ہے۔

سابق وفاقی وزیر شیخ رشید احمد کا کہنا ہے کہ ‏ الیکشن کی تاریخ کی تجویز دینے کے لیےصدر عارف علوی نے میرے یوم پیدائش یعنی 6 نومبر کے دن کا انتخاب کیا ہے، میں نے پہلے ہی کہا تھا کہ 11 ستمبر سے 20 ستمبر تک پاکستان کی سیاست میں بڑی ہلچل اور اکھاڑ پچھاڑ ہوگی۔

سابق وفاقی وزیر نے پیش گوئی کی ہے کہ پیپلزپارٹی کی سینٹرل آرگنائزنگ کمیٹی بھی کل اپنا رنگ دکھائے گی ، پاکستانی سیاست میں جو کچھ ہونا ہے اسی سال ہو جائے گا 30 دسمبر تک حقیقی سیاسی فیصلے آجائیں گے ۔