سانحہ جڑانوالہ کی تحقیقات بارے عدالت عالیہ کا دو ٹوک حکم
لاہور: ( ہاٹ لائن نیوز) سانحہ جڑانوالہ کی تحقیقات کے بارے میں عدالت عالیہ نے دو ٹوک حکم دے دیا ۔
سانحہ جڑانوالہ کی جوڈیشل انکوائری کے لیے دائر درخواست پر سماعت ہوئی ، جسٹس شاہد بلال حسن نے گریس بائبل تنظیم کی درخواست پر سماعت کی ۔
عدالت نے آئی جی پنجاب کو درخواست گزار کی درخواست پر قانون کے مطابق فیصلہ کرنے کی ہدایت کردی جب کہ پنجاب حکومت کے وکیل نے درخواست ناقابل سماعت قرار دینے کی استدعا کردی ۔
سرکاری وکیل کا کہنا ہے کہ اس واقعے کا مقدمہ درج کرلیا گیا ہے ، تحقیقات صاف شفاف کی جارہی ہیں ، درخواست گزار کی درخواست آئی جی پنجاب کے پاس زیر سماعت ہے ۔
واضح رہے کہ درخواست گزار نجی تنظیم نے سانحہ جڑانوالہ کی صاف شفاف تحقیقات کے لیے جوڈیشل انکوائری کروانے کی استدعا کررکھی ہے ۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔
