انسدادِ دہشتگردی عدالت راولپنڈی میں علیمہ خان کے خلاف 26 نومبر کے احتجاج سے متعلق مقدمے کی سماعت ہوئی، جس کی صدارت جج امجد علی شاہ نے کی۔ سماعت کے دوران شوکت خانم کینسر اسپتال کے وکلاء عدالت میں پیش ہوئے۔
پراسیکیوٹر نے عدالت کو بتایا کہ علیمہ خان کے ذاتی بینک اکاؤنٹس منجمد کرنے کے لیے ان کا شناختی کارڈ نمبر اسٹیٹ بینک کو بھجوایا گیا تھا، جس کے بعد ان کے شناختی کارڈ سے منسلک تمام اکاؤنٹس بند کر دیے گئے۔ انہوں نے واضح کیا کہ شوکت خانم اسپتال یا نمل یونیورسٹی کے اکاؤنٹس منجمد کرنے کے لیے کوئی تحریری درخواست دائر نہیں کی گئی تھی، اس لیے انہیں ڈی فریز کرنے پر کوئی اعتراض نہیں۔
دونوں فریقین کے دلائل سننے کے بعد عدالت نے نمل یونیورسٹی اور شوکت خانم کے اکاؤنٹس بحال کرنے کا حکم جاری کردیا۔
واضح رہے کہ 26 نومبر کے احتجاج کیس میں پہلے علیمہ خان کے بینک اکاؤنٹس منجمد کرنے کا حکم دیا گیا تھا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔