آئی ڈراپس سے متعلق ہوشربا انکشاف

اسلام آباد: (ہاٹ لائن نیوز) ملک بھر کی مارکیٹوں میں غیر معیاری آئی ڈراپس کے اسٹاک کی موجودگی کا ہوشربا انکشاف ہوا ہے۔

ڈرگ ریگولیٹری اتھارٹی کے مطابق مارکیٹ میں غیرمعیاری آئی ڈراپس کا اسٹاک پہنچ چکا ہے۔ مارکیٹ میں کومیسیٹن نامی آئی ڈراپس کا ایک بیج انتہائی غیر معیاری ہے ، جس کا نمبر CYF003 ہے۔

مذکورہ ڈراپ آنکھوں کے بیکٹریل انفیکشن کے لیے استعمال ہوتا ہے۔ ڈریپ حکام کا کہنا ہے کہ شہری آئی ڈراپس کا بیج خریدتے وقت بیج نمبر ضرور دیکھ لیں ۔

حکومت کی جانب سے غیر قانونی اور غیر معیاری ادویات کیخلاف ملک گیر کریک ڈاؤن کا فیصلہ کرلیا گیا ہے جب کہ کارروائی کی اہم ذمہ داری نیشنل ٹاسک فورس کو دی گئی ہے ۔