ابوظبی میں جاری ورلڈ جوجِٹسو چیمپئن شپ میں پاکستان نے شاندار کارکردگی کا مظاہرہ کرتے ہوئے دو طلائی اور ایک کانسی کا تمغہ حاصل کرلیا۔
پاکستانی کھلاڑیوں نے پہلی بار ماسٹرز کیٹیگری میں شرکت کی اور اپنے ابتدائی ہی ایونٹ میں نمایاں کامیابی حاصل کی۔ سابق ایشین چیمپئن ابو ہریرہ اور محمد عمار نے ماسٹرز ڈیو اور ڈیو شو مقابلوں میں گولڈ میڈلز جیت کر پاکستان کا نام روشن کیا۔
انڈر 21 ڈیو کیٹیگری میں محمد یوسف اور محمد عمر نے بھی عمدہ کھیل پیش کرتے ہوئے برانز میڈل حاصل کیا۔ دونوں کھلاڑی چیمپئن شپ کے انڈر 21 ڈیو شو مقابلے میں بھی پاکستان کی نمائندگی کریں گے۔
پاکستان جوجِٹسو فیڈریشن کے چیئرمین خلیل احمد خان نے کامیابی حاصل کرنے والے قومی کھلاڑیوں کو مبارک باد دیتے ہوئے امید ظاہر کی کہ پاکستانی ایتھلیٹس مستقبل میں بھی عالمی سطح پر ملک کا نام روشن کرتے رہیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔