یورپی کمیشن نے سوشل میڈیا کمپنی میٹا کے پلیٹ فارمز فیس بک اور انسٹاگرام کے بعض فیچرز پر تحفظات کا اظہار کرتے ہوئے کمپنی سے تبدیلیوں کا مطالبہ کیا ہے۔
رپورٹس کے مطابق یورپی حکام نے خاص طور پر لامحدود اسکرولنگ، خودکار طور پر چلنے والی ویڈیوز اور صارفین کی دلچسپی کے مطابق مسلسل پیش کی جانے والی سفارشات کے نظام کا جائزہ لیا ہے۔ حکام کا کہنا ہے کہ ان فیچرز کے بچوں اور نوجوانوں کی ذہنی صحت پر ممکنہ اثرات کو مدنظر رکھتے ہوئے اقدامات ضروری ہیں۔
یورپی یونین نے ڈیجیٹل قوانین کی ممکنہ خلاف ورزی کی صورت میں میٹا کے خلاف سخت کارروائی کا عندیہ بھی دیا ہے، جس میں کمپنی کی عالمی آمدنی کے ایک حصے تک جرمانہ شامل ہو سکتا ہے۔
دوسری جانب میٹا نے یورپی یونین کے خدشات سے اختلاف کرتے ہوئے مؤقف اختیار کیا ہے کہ نوجوان صارفین کے تحفظ کے لیے کمپنی کی جانب سے کیے گئے اقدامات کو مکمل طور پر مدنظر نہیں رکھا گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔