پاکستان کرکٹ بورڈ نے آسٹریلیا کے خلاف تین ایک روزہ بین الاقوامی میچوں کی سیریز کے لیے 16 رکنی قومی اسکواڈ کا اعلان کر دیا ہے، جس میں ٹیم کی قیادت فاسٹ بولر شاہین شاہ آفریدی کے سپرد کی گئی ہے جبکہ سلمان آغا کو نائب کپتان مقرر کیا گیا ہے۔
اعلان کے مطابق وکٹ کیپر بیٹر محمد رضوان کو اسکواڈ سے باہر کر دیا گیا ہے۔ دوسری جانب سابق کپتان بابر اعظم سمیت فاسٹ بولرز حارث رؤف اور نسیم شاہ، آل راؤنڈر شاداب خان اور نوجوان اسپنر صفیان مقیم کو دوبارہ ٹیم میں شامل کیا گیا ہے۔
اسکواڈ میں احمد دانیال، عرفات منہاس، اور وکٹ کیپر بیٹر روحیل نذیر بھی شامل ہیں۔ محمد غازی غوری اور روحیل نذیر کو وکٹ کیپنگ آپشن کے طور پر رکھا گیا ہے، جبکہ صاحبزادہ فرحان اور شمائل حسین بھی ٹیم کا حصہ ہیں۔
پاکستان اور آسٹریلیا کے درمیان تین میچوں کی یہ سیریز 30 مئی سے 4 جون تک راولپنڈی اور لاہور میں کھیلی جائے گی
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔