اسلام آباد: پاکستان نے دریائے چناب میں بھارت کی جانب سے پانی کے بہاؤ میں نمایاں کمی پر باضابطہ وضاحت طلب کر لی ہے۔
وزارتِ آبی وسائل کے ذرائع کے مطابق مرالہ کے مقام پر دریا میں پانی کی آمد میں کمی دیکھی گئی ہے، جو سندھ طاس معاہدے کی متعلقہ شقوں سے مطابقت نہیں رکھتی۔
حکام کا کہنا ہے کہ ابتدائی جائزے میں یہ صورتحال معاہدے کی ممکنہ خلاف ورزی کی نشاندہی کرتی ہے، جس پر تشویش کا اظہار کیا گیا ہے۔
ذرائع کے مطابق پاکستان کے انڈس واٹر کمشنر نے معاملے کی تفصیلات حاصل کرنے کے لیے اپنے بھارتی ہم منصب سے رابطہ کیا ہے اور باضابطہ معلومات طلب کی گئی ہیں۔
مزید پیش رفت دونوں ممالک کے آبی امور کے درمیان رابطوں کے بعد سامنے آنے کا امکان ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔