آج رات تاریخ کے اہم ترین لمحات میں سے ایک ہو سکتی ہے ، صدر ٹرمپ

واشنگٹن: امریکی صدر ڈونلڈ ٹرمپ نے ایران کو دھمکی دی ہے کہ آج رات ایک مکمل تہذیب ختم ہو سکتی ہے، اور اسے دنیا کی تاریخ کے اہم ترین لمحات میں سے ایک قرار دیا ہے۔
اپنے سوشل میڈیا پلیٹ فارم “سوشل ٹروتھ” پر منگل کو جاری بیان میں صدر ٹرمپ نے کہا کہ وہ ایسا منظر نہیں دیکھنا چاہتے، مگر یہ ممکن ہے کہ تہذیب کے بڑے پیمانے پر نقصان کا خطرہ موجود ہو۔
انہوں نے مزید کہا کہ اب ایک “مکمل اور جامع نظام کی تبدیلی” دیکھنے کو مل رہی ہے، جس سے زیادہ سمجھدار اور کم شدت پسند لوگ سامنے آ سکتے ہیں۔ صدر ٹرمپ نے امکان ظاہر کیا کہ اس تبدیلی سے ایران میں مثبت اور انقلابی اثرات بھی آسکتے ہیں، تاہم حتمی صورتحال آج رات واضح ہوگی۔
صدر نے 47 سال سے جاری “استحصال، بدعنوانی اور ہلاکتوں” کے سلسلے کے خاتمے کی امید بھی ظاہر کی اور ایرانی عوام کے لیے نیک خواہشات کا اظہار کیا۔
یاد رہے کہ اس سے قبل اتوار کو انہوں نے دھمکی دی تھی کہ اگر ایران نے ہرمز آبنائے کھولا نہیں تو امریکا منگل کی شام سے ایران کے اہم انفراسٹرکچر جیسے بجلی گھر اور پل نشانہ بنا سکتا ہے۔