سونے کی قیمت میں بڑی کمی، چاندی بھی سستی ہوئی

پاکستانی مارکیٹ میں سونے کی قیمت میں بڑی کمی دیکھی گئی ہے، جس کے بعد عوام پر خریداری کا بوجھ کچھ کم ہوا ہے۔ آل صرافہ ایسوسی ایشن کے مطابق فی تولہ سونا 11 ہزار روپے سستا ہو کر 4 لاکھ 68 ہزار 262 روپے کی سطح پر آ گیا ہے۔
اسی طرح 10 گرام سونے کی قیمت میں 9 ہزار 430 روپے کی کمی ہوئی ہے اور اب یہ 4 لاکھ 1 ہزار 549 روپے پر دستیاب ہے۔
عالمی مارکیٹ میں فی اونس سونے کی قیمت میں 110 ڈالر کا اضافہ ہوا ہے، جس کے بعد یہ 4,455 ڈالر تک پہنچ گیا ہے۔
چاندی کی قیمت میں بھی کمی دیکھی گئی ہے اور فی تولہ 340 روپے سستا ہو کر 7,484 روپے پر آ گیا ہے۔
ماہرین کا کہنا ہے کہ عالمی اور مقامی مارکیٹ میں طلب و رسد کی صورتحال، ڈالر کی قیمت اور دیگر معاشی عوامل سونے و چاندی کی قیمتوں پر اثر انداز ہو رہے ہیں۔