کراچی میں الیکشن کمیشن کے دفتر کے باہر جماعت اسلامی کی جانب سے کی جانے والی پریس بریفنگ کے دوران پولیس نے سندھ اسمبلی کے رکن محمد فاروق اور متعدد کارکنان کو حراست میں لے لیا۔
پولیس کی جانب سے کارروائی کے دوران پریس بریفنگ میں موجود جماعت اسلامی کے کارکنان کو منتشر کر دیا گیا۔ یہ اقدام اس وقت کیا گیا جب جماعت اسلامی کے نمائندے میڈیا سے خطاب کر رہے تھے۔
اس موقع پر محمد فاروق نے صحافیوں سے گفتگو کرتے ہوئے کہا تھا کہ جماعت اسلامی ملک میں جاری ناانصافیوں کے خلاف آواز بلند کرنے کے لیے موجود ہے۔ ان کا کہنا تھا کہ یہ کسی کی ذاتی جاگیر نہیں اور پرامن انداز میں پریس بریفنگ کرنا ان کا حق ہے۔ انہوں نے خبردار کیا تھا کہ اگر اظہارِ رائے سے روکا گیا تو احتجاج کیا جائے گا۔
انہوں نے مزید کہا کہ 14 فروری کو سندھ اسمبلی کے باہر دیے جانے والے دھرنے کو روکنے کی کوشش کی جا رہی ہے، تاہم جماعت اسلامی اپنا دھرنا بھی دے گی اور پریس بریفنگ بھی منعقد کرے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔