راولپنڈی: علیمہ خان نے دعویٰ کیا ہے کہ سابق وزیراعظم عمران خان کو ذہنی اور جسمانی دباؤ دینے کے لیے قید تنہائی میں رکھا گیا ہے۔
ماربل فیکٹری ناکہ پر میڈیا سے گفتگو کرتے ہوئے علیمہ خان نے بتایا کہ گزشتہ ایک سال میں عمران خان سے ملاقاتیں بہت محدود رہی ہیں، جو مجموعی طور پر تقریباً دو درجن ہیں۔
علیمہ خان نے مزید کہا کہ پولیس نے منگل کے روز عمران خان کی بہنوں کو اڈیالہ جیل میں ملاقات کی اجازت نہیں دی، اور آخری ملاقات 2 دسمبر کو ہوئی تھی۔ ان کے مطابق، سلمان صفدر 20 دسمبر کو ملاقات کے لیے گئے تھے لیکن صرف آٹھ منٹ کی ملاقات کرائی گئی۔
انہوں نے کہا کہ انہیں خدشہ ہے کہ سابق وزیراعظم کو ذہنی طور پر متاثر کرنے کی کوشش کی جا رہی ہے، اور عمران خان اپنی قوم کے لیے قید میں ہیں۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔