وزیراعلیٰ پنجاب مریم نواز نے لاہور کو دو الگ اضلاع میں تقسیم کرنے کے اصولی فیصلے کی منظوری دے دی ہے۔ اس اقدام کا مقصد بڑھتے ہوئے انتظامی دباؤ کو کم کرنا اور شہری خدمات کی فراہمی کو زیادہ مؤثر بنانا بتایا گیا ہے۔
ذرائع کے مطابق بسنت کے بعد لاہور کی انتظامی ساخت میں اصلاحات کا آغاز کیا جائے گا۔ دو اضلاع کے قیام سے ڈپٹی کمشنرز، پولیس اور میونسپل انتظامیہ الگ الگ کام کریں گے، جس سے ٹریفک، تجاوزات، بلدیاتی مسائل اور عوامی شکایات کے جلد حل میں مدد ملے گی۔
نئے انتظامی ڈھانچے کے تحت شہری خدمات کی فراہمی کو تیز اور عوام کے قریب لانے پر زور دیا جائے گا۔ وزیراعلیٰ نے متعلقہ محکموں کو تیاری مکمل کرنے کی ہدایت بھی جاری کر دی ہے، جبکہ 9 فروری کو لاہور کی تقسیم پر فالو اپ اجلاس بھی طلب کیا گیا ہے۔
حکام کا کہنا ہے کہ یہ اقدام صرف انتظامی ضروریات کے پیش نظر کیا جا رہا ہے نہ کہ کسی سیاسی مقصد کے لیے، اور اس سے انتظامی امور میں بہتری اور عوامی مسائل کے بروقت حل کی توقع ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔