پاکستان نے ٹی 20 ورلڈ کپ کے دوران بنگلہ دیش کے میچز کی میزبانی کی پیشکش کر دی ہے۔ ذرائع کے مطابق، اگر انٹرنیشنل کرکٹ کونسل (آئی سی سی) اجازت دیتی ہے تو یہ میچز پاکستان کے میدانوں میں منعقد کیے جا سکتے ہیں۔
ٹی 20 ورلڈ کپ کے باضابطہ میزبان بھارت اور سری لنکا ہیں، لیکن سری لنکا میں گراؤنڈز کی کمی کے باعث میچز کی جگہ کا مسئلہ پیدا ہو گیا ہے۔ بنگلہ دیش کی کرکٹ ٹیم نے بھارت میں میچ کھیلنے سے انکار کر دیا ہے اور اپنے میچز سری لنکا میں منتقل کرنے کی درخواست کی ہے۔
بنگلہ دیش کرکٹ بورڈ (بی سی بی) نے آئی سی سی کو خط لکھ کر سیکیورٹی خدشات اور ویزوں سمیت دیگر مسائل سے آگاہ کیا ہے۔ بی سی بی کا موقف ہے کہ بھارت کھیل کے لیے محفوظ ملک نہیں اور یہاں کھیل و سیاست پر انتہا پسند عناصر کا اثر ہے۔ بورڈ نے گزشتہ تجربات کا حوالہ دیتے ہوئے بتایا کہ بھارتی ٹیموں میں بنگلہ دیشی کھلاڑیوں کی شمولیت پر دباؤ ڈالا گیا۔
بنگلہ دیش کے کھیل کے مشیر آصف نذرالاسلام نے کہا ہے کہ ان کی ٹیم ورلڈ کپ کھیلنے کی خواہاں ہے، لیکن بھارت میں کھیلنے کے بجائے محفوظ ماحول میں سری لنکا یا پاکستان میں اپنے میچز کھیلنا ترجیح دے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔