جرمنی افغان پناہ گزین پروگرام فوری طور پر ختم کرنے کا اعلان

جرمنی کی حکومت نے افغان پناہ گزین پروگرام فوری طور پر ختم کرنے کا اعلان کیا ہے۔ جرمن حکام کے مطابق یہ فیصلہ افغان مہاجرین میں بعض افراد کے جرائم اور ممکنہ سکیورٹی خطرات کے پیش نظر کیا گیا ہے۔

سرکاری ذرائع کے مطابق جرمنی نے اب مزید 640 افغان پناہ گزینوں کو ملک میں داخلے کی اجازت نہیں دی۔ جرمن وزارت داخلہ نے واضح کیا ہے کہ جرمنی آنے کے منتظر افغان مہاجرین کے داخلے کے امکانات ختم ہو چکے ہیں۔

میڈیا رپورٹس میں یہ بھی کہا گیا ہے کہ افغان طالبان کی شدت پسندانہ پالیسیوں نے عالمی برادری کو افغانستان کے ساتھ سفارتی تعلقات محدود کرنے پر مجبور کر دیا ہے۔

رپورٹس کے مطابق 2024 میں جرمنی نے 28 اور 2025 میں 81 افغان باشندوں کو مختلف مجرمانہ کارروائیوں کی بنا پر ملک بدر کیا تھا۔