اسلام آباد: وفاقی وزیر داخلہ و نارکوٹکس کنٹرول محسن نقوی نے اسلام آباد ائیرپورٹ کا اچانک دورہ کیا اور دو گھنٹے تک امیگریشن کے عمل کا جائزہ لیا۔ اس دوران انہوں نے بیرون ملک جانے والے مسافروں سے ملاقات کی اور ان کے مسائل سنے۔
وزیر داخلہ نے ویزا ایجنٹس کے خلاف سخت کارروائی کا حکم دیا اور کہا کہ ایجنٹس معصوم افراد کے مستقبل کے ساتھ کھیل کر ملک کی بدنامی کر رہے ہیں۔ انہوں نے واضح کیا کہ بیرون ممالک ملازمت کا جھانسہ دے کر لوگوں کو بھجوانے والے ایجنٹس کے خلاف کسی قسم کی رعایت نہیں کی جائے گی۔
محسن نقوی نے 7 نومبر کو امیگریشن پر کم عملے کی شکایت پر بھی سخت نوٹس لیتے ہوئے انکوائری کا حکم دیا۔ انہوں نے کہا کہ سی سی ٹی وی فوٹیج کے ذریعے تمام صورتحال کا مکمل جائزہ لیا جائے گا اور آئندہ اس طرح کی شکایات کو دوبارہ برداشت نہیں کیا جائے گا۔
انہوں نے یہ بھی واضح کیا کہ ضروری دستاویزات رکھنے والے مسافروں کو سفر سے نہیں روکا جائے گا، تاہم جعلی دستاویزات یا غیر قانونی ذرائع سے سفر کرنے والوں کے خلاف کارروائی کی جائے گی۔ وزیر داخلہ نے کہا کہ بغیر تصدیق شدہ دستاویزات کے کسی بھی مسافر کو بیرون ملک جانے کی اجازت نہیں دی جائے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔