پاکستان میں سونے کی قیمت میں کمی، چاندی کی قیمت بھی گر گئی

پاکستان میں طویل عرصے تک بڑھتی رہنے والی سونے کی قیمت میں کمی دیکھنے میں آئی ہے۔ آل پاکستان صرافہ جیولرز اینڈ ایسوسی ایشن کے مطابق، فی تولہ سونے کی قیمت میں 3,300 روپے کی کمی ہوئی ہے اور اب یہ 4,30,362 روپے پر پہنچ گئی ہے۔

اسی طرح 10 گرام سونے کی قیمت میں 2,829 روپے کی کمی کے بعد نئی قیمت 3,68,966 روپے ہوگئی ہے۔ بین الاقوامی بلین مارکیٹ میں بھی سونے کی قیمت میں کمی دیکھی گئی، جہاں فی اونس سونا 33 ڈالر کی کمی کے بعد 4,080 ڈالر پر ٹریڈ کر رہا ہے۔

چاندی کی قیمت میں بھی کمی دیکھی گئی ہے، جس کے مطابق فی تولہ چاندی 27 روپے کی کمی کے بعد 5,097 روپے پر ریکارڈ کی گئی ہے۔

ماہرین کا کہنا ہے کہ عالمی مارکیٹ میں سونے کی قیمتوں میں اتار چڑھاؤ کے اثرات ملکی مارکیٹ پر بھی براہ راست پڑتے ہیں۔