سونا پھر مہنگا، فی تولہ قیمت تاریخ کی بلند ترین سطح پر

ملک میں سونے کی قیمت میں ایک بار پھر نمایاں اضافہ ریکارڈ کیا گیا ہے، جس کے بعد یہ نئی بلند ترین سطح پر پہنچ گئی ہے۔

تازہ اعداد و شمار کے مطابق فی تولہ سونے کی قیمت میں 4700 روپے کا اضافہ ہوا ہے، جس کے بعد نئی قیمت 3 لاکھ 91 ہزار روپے تک پہنچ گئی ہے۔ اسی طرح 10 گرام سونے کی قیمت میں 4030 روپے اضافہ ہوا ہے، اور اب یہ 3 لاکھ 35 ہزار 219 روپے ہو گئی ہے۔

ماہرین کے مطابق مقامی مارکیٹ میں قیمتوں میں یہ اضافہ بین الاقوامی منڈی میں سونے کی قدر میں اتار چڑھاؤ اور ملکی معاشی صورتحال کے باعث سامنے آیا ہے۔