اسلام آباد اور راولپنڈی کے شہریوں کے لیے خوشخبری! حکومت نے دونوں جڑواں شہروں کے درمیان تیز رفتار اور جدید ٹرین چلانے کا فیصلہ کیا ہے، جس کے تحت مسافر صرف 20 منٹ میں ایک شہر سے دوسرے شہر کا سفر طے کر سکیں گے۔
یہ فیصلہ وزیر داخلہ اور وزیر ریلوے کی زیرصدارت ایک اہم اجلاس میں کیا گیا، جس میں اسلام آباد کے مارگلہ اسٹیشن سے راولپنڈی صدر اسٹیشن تک ریل منصوبے پر جلد کام شروع کرنے پر اتفاق ہوا۔
اجلاس میں بتایا گیا کہ یہ ٹرین سروس نہ صرف وقت اور ایندھن کی بچت کا باعث بنے گی بلکہ جڑواں شہروں کی سڑکوں پر بڑھتے ہوئے ٹریفک کے دباؤ کو کم کرنے میں بھی مدد دے گی۔
منصوبے کے تحت:
ٹریک وزارت ریلوے فراہم کرے گی
ٹرین سروس کا انتظام سی ڈی اے سنبھالے گی
جدید ٹرینیں بیرون ملک سے درآمد کی جائیں گی
وزیر ریلوے حنیف عباسی نے اس موقع پر کہا کہ یہ منصوبہ شہریوں کے لیے ایک بڑی سہولت ثابت ہوگا، جس سے روزمرہ کے سفر کو تیز، آسان اور محفوظ بنایا جا سکے گا۔
وزیر داخلہ محسن نقوی نے کہا کہ یہ منصوبہ وزیراعظم کے عوامی ریلیف وژن کا حصہ ہے اور اس سے ہزاروں افراد کو جدید سفری سہولت میسر آئے گی۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔