سونےکی فی تولہ قیمت میں ریکارڈاضافہ، مارکیٹ میں ہلچل

پاکستان میں سونے کی قیمت میں نمایاں اضافہ، فی تولہ نرخ نئی بلند ترین سطح پر پہنچ گئے

پاکستان میں سونے کی قیمتوں میں ایک بار پھر بڑا اضافہ دیکھا گیا ہے۔ تازہ ترین اعداد و شمار کے مطابق، فی تولہ سونا 6,100 روپے مہنگا ہو کر 3 لاکھ 84 ہزار روپے کی بلند ترین سطح پر پہنچ گیا ہے۔

اسی طرح 10 گرام سونے کی قیمت میں بھی 5,230 روپے کا اضافہ ہوا ہے، جس کے بعد نئی قیمت 3 لاکھ 29 ہزار 219 روپے مقرر کی گئی ہے۔

ماہرین کے مطابق سونے کی قیمتوں میں یہ اضافہ مقامی اور عالمی مارکیٹ میں قیمتوں کے بڑھنے کے باعث ہوا ہے۔ موجودہ صورتحال نے زیورات کے خریداروں اور سرمایہ کاروں کی توجہ ایک بار پھر سونے کی مارکیٹ کی جانب مبذول کر دی ہے۔