مظفرگڑھ: ممکنہ سیلاب کے پیش نظر 105اسکول عارضی طورپر بند
مظفرگڑھ میں دریائے چناب میں پانی کی سطح میں اضافے کے باعث ممکنہ سیلاب کے خدشے کے پیش نظر ضلعی انتظامیہ نے احتیاطی اقدام کے طور پر 105 سرکاری اسکولوں کو عارضی طور پر بند کر دیا ہے۔
ضلعی حکام کے مطابق، سیلابی صورتحال کے باعث 89 اسکولوں کے متاثر ہونے کا اندیشہ ظاہر کیا گیا ہے۔ اسی تناظر میں 16 اسکولوں کو فلڈ ریلیف کیمپس کے طور پر استعمال کیا جائے گا تاکہ متاثرہ علاقوں کے مکینوں کو فوری امداد فراہم کی جا سکے۔
انتظامیہ کا کہنا ہے کہ متاثرہ علاقوں کی نگرانی جاری ہے اور حالات معمول پر آنے کے بعد اسکول دوبارہ کھول دیے جائیں گے۔ فی الحال باقی تمام سرکاری اسکول یکم ستمبر سے دوبارہ کھولنے کا فیصلہ کیا گیا ہے، جبکہ 105 اسکول 6 ستمبر تک بند رہیں گے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔