بدھ مت کے روحانی پیشوا کا جانشین مقرر کرنے کا اعلان

بدھ مت کے روحانی پیشوا کا جانشین مقرر کرنے کا اعلان

روحانی پیشوا دلائی لاما نے کہا ہے کہ ان کے بعد بھی یہ عہدہ برقرار رہے گا اور ان کا جانشین مقرر کیا جائے گا، یہ اعلان انہوں نے سالگرہ کی تقریبات کے دوران کیا، جب دنیا بھر سے بدھ مت کے پیروکار بھارتی شہر دھرم شالہ میں جمع تھے، انہوں نے کہا کہ تمام روحانی مکاتبِ فکر، جلا وطن حکومت اور تمام بدھ مت کے ماننے والوں کی درخواست پر یہ عہدہ برقرار رکھا جا رہا ہے، انہوں نے کہا کہ “مجھے پورا یقین ہے کہ میں نے فرائض ادا کیے اور آئندہ بھی کروں گا، میں تندرست ہوں اور اس عہدے پر کام جاری رکھوں گا،” انہوں نے خطاب کے دوران کہا کہ ” ان کا جانشین آزاد ملک میں پیدا ہو گا، وہ چین یا تبت میں پیدا نہیں ہو گا، اس سے پہلے بھی وہ یہ کہہ چکے ہیں کہ ان کا جانشین انڈیا میں جنم لے سکتا ہے۔