پانی بند ہوا تو آپ کی سانس بند کر دیں گے

پانی بند ہوا تو آپ کی سانس بند کر دیں گے

راولپنڈی میں پریس کانفرنس کے دوران حنیف عباسی نے کہا کہ بھارتی قوم کو سوچنا ہو گا کہ اس نے مودی سے جان چھڑانی ہے یا ملک کی تباہی کرنی ہے، اگر پانی بند ہوا تو آپ کی سانسیں بند کر دیں گے یاد رکھنا، انہوں نے کہا کہ ریلوےاسٹیشنز پر سولجر ڈیسک قائم کردی گئی ہے، بھارت کا اگر 1 میزائل آیا تو ہمارے 2 سو میزائل آئیں گے، یاد رکھنا یہ مس ایڈونچر آپ کے گلے پڑ سکتا ہے، پاکستان ہر موومنٹ کا جواب دینےکے لئے تیار ہے۔

آپ کے 5 دھماکوں کے جواب میں نواز شریف نے 6 ایٹمی دھماکے کیے تھے، ایٹم بم کتابوں میں لکھنے اور پڑھنے کے لئے نہیں حفاظت کے لئے بنایا ہے، انہوں نے مزید کہا کہ غزنوی، غوری اور شاہین میزائل چوکوں میں سجانے کے لیے نہیں بنائے، بلکہ یہ تمام میزائل بھارت کے لیے ہی بنائے ہیں، پاک فوج نے کہہ دیا ہے کہ اگر پانی بند ہوا تو جنگ کے لئے تیار رہو، پاکستان نے ابھی آپ کی صرف فضائی حدود اور تجارت بند کی تو آپ کی چیخیں نکل گئیں۔