نائب وزیراعظم کابل روانہ
نائب وزیراعظم اسحاق ڈار وفد کے ہمراہ دورہ افغانستان پر کابل روانہ ہو گئے ہیں، وفد میں داخلہ اور ریلویز کے وفاقی سیکرٹریز سمیت وزارت داخلہ اورایف۔بی۔آر کےاعلیٰ حکام بھی شامل ہیں، نور خان ائیربیس پر روانگی سے پہلے نائب وزیراعظم نے میڈیا سے گفتگو کرتے ہوئے کہا کہ افغانستان کے ساتھ ہمارے برادرانہ تعلقات ہیں اور افغانستان ہمارا ہمسایہ ملک ہے، ان کا کہنا تھا کہ وزیراعظم سمیت سب نےمل کرفیصلہ کیا ہے کہ افغان حکومت سے بات چیت کریں ، دونوں ملکوں کے عوام کی بہتری کے لئے جو کچھ ہو سکتا ہے کرنا چاہیے۔
انہوں نے مزید کہا کہ وسط ایشیائی ریاستوں تک تجارت ہمارا ایجنڈا ہے، کچھ عرصہ دونوں ملکوں کے درمیان تعلقات میں سرد مہری رہی ہے، دورے کے دوران کابل میں وفود کی سطح پر بھی مذاکرات ہوں گے، نائب وزیراعظم کا دورہ پاکستان کے افغان عوام سے برادرانہ تعلقات کا اظہار کرتا ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔