مذاکرات ناکام،طورخم بارڈرآج چوتھےروزبھی بند
ہاٹ لائن نیوز : آج چوتھے دن تجارتی سرگرمیوں اور پیدل چلنے والوں کے لئےطورخم بارڈربند ہے ، جسکی وجہ سے مسافردونوں اطراف میں پھنس گئےہیں ۔جبکہ تاجروں کاکروڑوں کانقصان ہوچکاہے۔
ذرائع کیمطابق ، گذشتہ روززیروپوائنٹ پر پاکستان اور افغانستان کے عہدیداروں کے مابین پہلے مذاکرات کا اجلاس ہوا ، جو بغیر کسی نتیجےکےختم ہوا۔ آج ، مذاکرات کا امکان ہے۔
جمعہ کے روز سرحدی تناؤ کا آغاز اسوقت ہوا جب افغان فورسز نے متنازعہ حدود میں چیک پوسٹ کی تعمیر شروع کی ، جس پر پاکستانی افواج نےاعتراض کیا اور کام بند کروادیا۔ اسکے بعد ، دونوں ممالک کی سیکیورٹی فورسز کے مابین صورتحال کشیدہ ہوگئی اور ہرقسم کی تجارتی سرگرمیاں معطل ہوگئیں۔
صورتحال کی سنجیدگی کے پیش نظر ، آج پاک افغان حکام کےمابین مزید مذاکرات کی توقع کی جارہی ہے ، جس سے سرحد کھولنےکاامکان ہے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔