باڈی گارڈجواپنے مالک کی حفاظت میں کوئی کسرنہیں چھوڑتے

ہاٹ لائن نیوز : بھارتی میڈیا کو انٹرویو دیتے ہوئے سونو سود نے کہا کہ باڈی گارڈز اور ستاروں کے دوستوں کو ایسے مناظر اور ماحول بنانے کی تربیت دی جاتی ہے۔ خاص طور پر عوامی مقامات جیسے ہوائی اڈوں پر۔ وہ شور مچاتے ہیں اور لوگوں میں تجسس پیدا کرتے ہیں۔ اس طرح لوگ ادھر ادھر گھومتے ہیں کہ کون آ رہا ہے۔ اور وہ لوگوں کی توجہ حاصل لیتے ہیں۔

اسی انٹرویو میں انہوں نے ایک واقعہ بھی شیئر کیا، جس میں انہوں نے بتایا کہ جب میں جم میں تھا تو میرا ایک دوست مجھے لینے آیا۔ قریب ہی ایک کار رکی اور ایک گارڈ یہ بہانہ کر کے باہر نکلا کہ بہت زیادہ بھیڑ ہے۔ وہ چیخنے لگا کہ واپس جاؤ اور واپس جاؤ۔ حالانکہ آس پاس کوئی نہیں تھا۔ اتنے میں ایک اداکار آیا اور عمارت میں داخل ہوا۔

اداکار نے مزید کہا کہ سچ یہ ہے کہ اگر آپ باہر بھیڑ میں جائیں گے تو لوگ آپ کو پریشان نہیں کریں گے۔ میرے پاس باڈی گارڈز بھی ہیں لیکن میں نے ان سے کہا ہے کہ کسی کو دھکا نہ دیں۔ زیادہ تر لوگ اچھے ہوتے ہیں اور آپ کو پریشان نہیں کرتے لیکن یہ ستارے لوگوں کی توجہ حاصل کرنے کے لیے اس طرح کے حربے استعمال کرتے ہیں اور یہ 100 فیصد سچ ہے۔