سعودی شہری کےگھرسےلاکھوں روپےکی چوری
ہاٹ لائن نیوز : پنجاب پولیس کے دعوے دھرے کے دھرے رہ گئے، لاہور میں چوری اور ڈکیتی کی وارداتوں میں تیزی سے اضافہ ہونے لگا، چوروں نے سعودی شہری کے گھر کا صفایا کر دیا۔
پولیس کیمطابق مناواں ابوبکر بلاک کا رہائشی چند روز قبل سعودی عرب سے واپس آیا تھا، عتیق الرحمان اہل خانہ کے ہمراہ سیالکوٹ میں اپنے رشتہ داروں کے گھر دعوت کے لیے گیا تھا۔
پولیس کا کہنا ہے کہ ملزمان عتیق الرحمان کے گھر سے 50 تولے سونا، راڈو گھڑیاں، قیمتی موبائل فون اور نقدی چوری کرکے فرار ہوگئے۔
پولیس کو بتایا گیا کہ نامعلوم چوروں نے الماریوں کی کھڑکیوں کے تالے توڑ کر لاکھوں روپے مالیت کی نقدی، طلائی زیورات اور دیگر سامان چوری کر لیا۔
مدعی عتیق الرحمان کی درخواست پر نامعلوم چوروں کیخلاف مقدمہ درج کر لیا گیا، پولیس کا کہنا ہے کہ ملزمان کا سراغ لگانے کیلیے ٹیمیں تشکیل دے دی ہیں، ملزمان کو جلد گرفتار کرلیا جائیگا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔