دنیا کی سرد ترین سڑک کونسی ؟

ہاٹ لائن نیوز : کیا آپ جانتے ہیں کہ دنیا کی سرد ترین شاہراہ کون سی ہے؟یہ کولیما ہائی وے (M56) ہے جو روس کے مشرق بعید میں واقع ہے جسے دنیا کی سرد ترین سڑک کہا جاتا ہے۔

درحقیقت گنیز ورلڈ ریکارڈ نے اس سڑک کو یہ اعزاز دیا ہے کیونکہ یہاں ایک وقت درجہ حرارت منفی 67.7 ڈگری سیلسیس ریکارڈ کیا گیا تھا۔

یہ سڑک دنیا کے سرد ترین قصبے اویمیاکون سے گزرتی ہے جہاں 1933ءمیں درجہ حرارت منفی 67.7 ڈگری سیلسیس ریکارڈ کیا گیا تھا۔

اسی لیے اس ہائی وے کو دنیا کی سرد ترین سڑک کہا جاتا ہے۔ یہی وجہ ہے کہ یہاں کے مسافروں کو شدید سردی اور برف باری کا سامنا کرنا پڑتا ہے اور انہیں ہر طرف سفیدی نظر آتی ہے۔

درحقیقت، یہاں جنوری اور فروری میں درجہ حرارت حیرت انگیز طور پر منفی 50 ڈگری تک گر جاتا ہے، لیکن کئی بار یہ منفی 60 ڈگری سیلسیس کو بھی چھو جاتا ہے۔

سفر کے دوران سڑک قلعوں، پہاڑوں اور دیگر قدرتی مقامات سے گزرتی ہے۔ زیادہ تر لوگوں کو ہائی وے کے ایک سرے سے دوسرے سرے تک سفر کرنے میں 4 سے 5 دن لگتے ہیں، اس دوران دلفریب نظارے دیکھنے کو ملتے ہیں۔