بہو کو زندہ جلانے کا معاملہ، وزیراعلیٰ پنجاب نے نوٹس لےلیا
ہاٹ لائن نیوز : ساہیوال میں گھریلو جھگڑے پر سسرالیوں نے بیٹی کے سامنے بہو کو آگ لگا دی، وزیراعلیٰ پنجاب مریم نواز نے واقعے کا نوٹس لیتے ہوئے ریجنل پولیس آفیسر سے رپورٹ طلب کر لی ہے۔
ساہیوال کے نواحی گاؤں میں بچی کی ماں ام کلثوم کو اس کے سسرالیوں نے آگ لگا دی۔ ام کلثوم کا پوسٹ مارٹم ساہیوال ٹیچنگ ہسپتال میں کیا گیا، جس کے بعد ان کی میت لواحقین کے حوالے کر دی گئی، میت کو آبائی گاؤں میں سپرد خاک کر دیا گیا۔
مقتولہ کے آبائی گاؤں 145 نین ایل میں افسوسناک واقعہ پر اہل علاقہ غم سے نڈھال ہیں، پولیس نے ورثاء کی درخواست پر دو خواتین سمیت 3 افراد کیخلاف مقدمہ درج کرلیاہے۔
پولیس ترجمان کیمطابق ملزمان ضمانت قبل ازگرفتاری کرواچکےہیں،مقدمے کی شفاف تفتیش جاری ہے، تحقیقات سے جلد مکمل حقائق سامنے لائینگے۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔