کراچی کے علاقے ڈیفنس میں ڈکیتی مزاحمت پر فائرنگ سے ایک سیکیورٹی گارڈ، جو ریٹائرڈ سیکیورٹی آفیسر (میجر) بتایا جاتا ہے، ہلاک ہوگیا ہے، تاہم پولیس نے اس کی تردید کی ہے۔
کلفٹن تھانے کی حدود ڈیفنس فیز فائیو توحید کمرشل ایریا 26 اسٹریٹ کے قریب ڈکیتی کی واردات کے دوران مزاحمت پر 43 سالہ محمد سعید ولد اللہ بخش کو مسلح ملزمان نے قتل کردیا۔ مقتول نجی سیکیورٹی کمپنی میں سیکیورٹی گارڈ کے طور پر کام کرتا تھا۔ فائرنگ کی اطلاع پر پولیس نے موقع پر پہنچ کر تفتیش شروع کردی۔
ایس پی کلفٹن کا کہنا تھا کہ فائرنگ کا واقعہ اس وقت پیش آیا جب ڈکیتی مزاحمت کی گئی، مقتول محمد سعید اپنے ساتھی ملازم کے ہمراہ موٹر سائیکل پر بینک سے پانچ لاکھ روپے نکلواکرجا رہا تھا کہ بینک کے قریب پان کی دکان پر روکا تو دو موٹرسائیکل پر سوار چار ڈاکو موقع پر پہنچ گئے اور رقم چھیننے کی کوشش کے دوران مزاحمت پر فائرنگ کر دی۔
فائرنگ کے نتیجے میں محمد سعید شدیدزخمی ہوگیا جبکہ اسکا ساتھی خوش قسمتی سے محفوظ رہا، زخمی محمد سعیدہسپتال میں دم توڑ گیا۔
Leave a reply
ہاٹ لائن نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔